Kang Cimol 17-an

Hiduplah Indonesia Raya...

Assalammualaikum, waduh pagimana nih kabar pelanggan-pelanggan Cimol Abang? Masih pada ga waras apa udah sembuh? mudah-mudahan si udah sembuh ya, maap nih Abang baru nongol lagi, kemaren nyoba-nyoba ikut borongan bangunan ke kalimantan, ehh rasanya... kalo cape sih biasa ya, tapi kangennya itu kita ama anak, apalagi ama bini, belom lagi godaannya, ampun dah, Abang biar jelek gini kan orangnya setia. swittwiwww...

Jadi Abang mutusin buat balik lagi kemari, enakan dagang cimol, biar untungnya ga kaya jualan emas tapi bisa deket terus ama keluarga, ati juga ga was-was.

Ngomong-ngomong tadi abang denger tuh bocah-bocah SD pada nyanyi lagu INDONESIA RAYA, Abang jadi inget waktu sekola. eittt... pasti lu mikir emang Abang pernah sekola ya? bujug.. bangku sekolaan abis empat abang makan, makannya sampe kelas 3 abang dikeluarin, rugiin sekolaan katanya, hee.. yaa abisnya mao gimana, orang susah, abang kadang dua hari kaga makan, boro-boro punya uang jajan buat bayaran ge susah, dulu kan belon ada sekola gratis.

Enak ya sekarangmah udah Merdeka, sekola gratis, idup gampang biarkata kudu pinter nipu-nipu juga haha... lah atuh kalo orang jujurmah keneh we..susah diterima jaman katanyamah. Makannya terimakasih tuh ama Para PAHLAWAN, kalo bisa mah kirimin doa, yg islam kirimin patihah, tapi nipu-nipunya jangan dibiasain, sama aja atuh lu kaya si Kompeni.

Waktu SD Abang sering tuh diceritain ama pa guru gimana susahnya para pahlawan merebut kemerdekaan, harus bertaruh harta, darah, ampe nyawa. Ehhh karangmah abang denger katanya bocah-bocah muda pada ketergantungan ya? kaga cuma yang muda, yang tua juga, ga cuma orang biasa, pejabat, ampe artis pada ketergantungan NARKOBA, bujug dah.. pada makan SEKAM kali ampe pada begitu.

Susah payah dikasi merdeka, eh malah milih ketergantungan, emang MENTAL DIJAJAH kali ya itu orang-orang, gimana ga dijajah coba kalo ketergantungan gitu?

Kaya Abang nih, Idup sederhana, anak bini nerima, selalu bersyukur ama berdoa, lah idupnya merdeka, kaga banyak lagu, kaga banyak tingkah, apa adanya, idup enak, tidur nyenyak.

Karena Abang nerima, Abang kaga malu ama keadaan, kaga pura-pura, kaga takut, soalnya Abang juga pernah ngaji biar pahamnya dikit tapi Abang amalin.

Orang laen mungkin sedih liat kehidupan Abang, tapi Abang lebih sedih liat orang-orang yang kaya begitu, yang idupnya penuh ke pura-puraan, kebawa jaman, ngikutin gengsi, KETERGANTUNGAN, tujuh puluh dua tahun ampir kita merdeka, idup masih begitu aja, monyet aja udah bisa ngitung.

Sekarang tuh jamannya BERBUAT SESUATU, berbuat untuk orang lain, selain untuk kebutuhan sendiri, Abang biar ilmunya dikit, asal sore masih nyempetin tuh bilangin bocah-bocah yang kadang pada maen layangan, 'kalo udah sore pada balik tong, ngaji, biar jadi anak soleh', biar cuman begitu juga Abang masih bersukur masih bisa berbuat sesuatu, ya mungkin ngasih tuh bocah makan apalagi nyekolain mereka mah belon bisa.

Lah ini, jaman udah canggih, sekola banyak bantuan sampe ada yang gratis, eh pikirannya malah makin ciut, tau kaga otak ciut kaya gimana? tuh Abang inget-inget kaya orang jaman batu, kalo kaga salah waktu abang lewat sekolah SMA ada tuh bocah yang majang gambar orang purba, nah begitu tuh otaknya , ciut.

Abangmah prihatin ya, cita-cita Abang biar Abang susah anak mah kudu jadi anak yang berguna, kalo doa mintanya mah biar anak Abang sukses dunia akherat. lah kalo bocah jaman sekarang pada begitu, pagimana tua nya, pagimana bocah-bocah selanjutnya?

Ya Tuhan, jangan ampe dah..

Ngomong-ngomong dua hari lagi Hari Kemerdekaan Bangsa Indonesia nih, biasanya Abang ikut tuh lomba panjat tiang listrik, bener, tiang apa tau itu dikasi gemuk ama oli, soalnya makin jarang poon pinang, tanah-tanah sekarang jadi gedong-gedong, bangunan-bangunan, perumahan, ladang-ladang pada abis, boro-boro poon pinang, padi aja yang buat kebutuhan idup mao diganti ama SEMEN, emang mao makan semen. Lah kitamah orang susah, kita mah sehari-hari asal ada beras juga idup tenang, laukmah bisa dicari di kebon, kalo kaga di kali, di laut, yang penting BERAS nya ada, makannya kita nanem padi, biar kalo kaga punya duit, setok beras mah ada.

Kadang suka bingung ama tuh orang-orang, mao dipake buat apa coba tuh DUIT nya, mati mah kan jadinya bangke-bangke juga, kucing juga jadi bangke, ayam, anjing, kebo, ikan, sama matinya mah jadi bangke-bangke juga. Kalo bekal sodakoh kali mantep.

Hmh.. Pokonyamah, ini udah mao Tujuh puluh dua tahun merdeka, pikiran lu masih begitu-begitu aja??


Kalah ama Abang Kang Cimol,